Er mögulegt að það geti borgað sig að byggja nýtt núna, á sama tíma og byggingar bjóðast á verði sem er undir byggingakostnaði. Alla jafna ekki. Það hlýtur að vera nokkuð ljóst. Þó geta leynst tækifæri í því kreppuástandi sem ríkir í nýbyggingum. Atvinnuhús ehf. höfðu milligöngu um sölu á nýbyggingum og þá sérstaklega stálgrindarbyggingum, í samvinnu við trausta verktaka, þar til bankarnir féllu, en þá var sjálfhætt að flytja inn og reisa slíkar byggingar. Til þess að fá til sín nýbyggingarverkefni eru þessir sömu verktakar nú reiðubúnir að reisa nýbyggingar á ótrúlega hagkvæmu verði.